Wazir-e-Azam Shahbaz Sharif 23 March ko IMF ki manzoori ke baad bijli ke rates mein 8 rupee per unit kami karne ke liye mukammal tor par tayar hain, aur tariff mein yeh kami 1st April 2025 se mo’asar hogi, jab ke awaam ko May mein kam kiye gaye bill moosar honge.
8 Rupee Per Unit Ki Kami Ki Waja
Zarayeh ke mutabiq, 8 rupee per unit mein se 4.73 rupee per unit ki kami mustaqil bunyadon par jari rahegi. Yeh kami 6 IPPs ke moahide khatam karne, 16 IPPs ke power purchase moahidon ko “Take and Pay” model par tabdeel karne, bagas power plants ko American dollar se wapis Pakistani rupee se jorh ne aur sarkari power plants ke return on equity ko Pakistani rupees ki bunyad par 13 percent tak limited karne aur American dollar ki qadr ko 168 rupees par fix karne ke nateejay mein mumkin hui hai.
Petroleum Products Ki Qeematon Mein Kmi Ka Asar
Senior hukamoon ke mutabiq, hum bijli ke rates mein kami mein un petroleum products ki kami na karne ke asrat ko shamil karne ja rahe hain jin ki qeematain international market mein 16 March 2025 se kam honay wali theen. Unhon ne bataya ke petroleum products ki qeemat mein kami na karne ka taqreeban 168 arab rupees ka andaza lagaya gaya hai jo bijli ke tariff mein 1.30 rupee per unit kami ke liye istemal kiye jayenge.
IMF Ki Manzoori
IMF ne hukumat ke a’ala hukamoon ko 3 mahine tak petroleum products ki qeematain kam na karne ke nateejay mein 250 arab rupees tak ke asrat ke badlay mein relief hasil karne ki manzoori de di hai, bashartay ke international market mein petroleum products ki qeematein mazeed kam hoti rahein.